Rawalpindi se ek aisa waqiya samne aaya hai jisne har kisi ka dil hila kar rakh diya. Sirf 2 din pehle guzar jane wali 7 saal ki masoom bachchi ki qabar ke paas ajeeb manzar dekhne ko mila. Jab log qabristan mein gaye to unhon ne dekha ke us masoom bachchi ka kafan qabar se bahar nazar aa raha hai. Yeh dekhte hi walid jo gham mein pehle hi toot chuke the, foran behosh ho gaye.
Is waqiya ne ilaqe mein afraat-tafri paida kar di aur logo ne foran ziadti ka ilzam uthaya. Bachchi ke walid aur qareebi rishtedaar ro ro kar awaaz utha rahe hain ke is maamlay ki tahqiqat ki jaye. Log social media par bhi is andohna waqiya par gussa aur afsos ka izhar kar rahe hain.
Bachchi jo abhi khilne wali kali thi, uski maut ne pehle hi ghar ko udaas kar diya tha, magar qabar ke is manzar ne dukh ko kai guna barha diya. Ahl-e-ilaka keh rahe hain ke agar waqai ziadti ka element samne aata hai to mulzim ko sakht se sakht saza milni chahiye taki kisi aur masoom ki izzat aur zindagi yun na cheeni ja sake.
Yeh waqiya is baat ki taraf ishara hai ke society mein masoom bachon ki hifazat ke liye abhi bohot ziada kaam karna baqi hai. Har maa baap apni beti ke liye khaufzada hain ke aakhir unke bachon ka mustaqbil kis haalat mein hai.