Cricket ki duniya mein har din naye records bante aur purane toot’tay hain. Magar is dafa aik aisa waqiya samne aaya jo sirf Zimbabwe ke liye nahi, balke tamam cricket fans ke liye fakhar ka baais bana. ICC ki nayi ranking ke mutabiq Sikandar Raza duniya ke No.1 all-rounder ban gaye hain.
Sikandar Raza ka safar aasaan nahi tha. Ek waqt tha jab Zimbabwe cricket ko dunia mein serious taur par nahi liya jata tha. Lekin Raza ne apne jazbe, hard work aur consistent performances se sabit kar diya ke talent sirf barray mulkon tak mehdoood nahi. Bowling ho ya batting, unhon ne har format mein apna lahu paseena baha kar team ke liye match-winning kirdar ada kiya.
ICC ki all-rounder ranking mein pehle jo players top par the, unko peeche chor kar Raza ka upar ana ye sabit karta hai ke wo sirf ek khiladi nahi, balke ek complete package hain. Wo aaj ke cricket mein ek misaal ban gaye hain ke dedication aur mehnat ke saath kisi bhi stage par kamyabi hasil ki ja sakti hai.
Zimbabwe ke liye ye ek historic lamha hai kyunki pehli dafa unka khiladi aisi position par aaya hai. Fans social media par bhi unhein mubarakbaad day rahe hain aur cricket experts keh rahe hain ke Raza ki is success ne Zimbabwe cricket ko ek nayi pehchaan di hai.
Ab sabki nazar unke aglay tours aur performances par hogi, kyunki expectations aur pressure dono barh gaye hain. Lekin agar unki ab tak ki consistency dekhi jaye to ye kehna ghalat nahi hoga ke Sikandar Raza ab sirf Zimbabwe nahi, balke world cricket ka ek bara naam ban chuke hain.