Duniya bhar mein mashhoor Dubai ki Shehzadi, Sheikha Mahra, aik dafa phir social media ki headlines ban gayi hain. Shehzadi ne apne Instagram account par openly apne shoher ko talaq dene ka elan kar diya. Ye baat fans ke liye bohot shocking thi kyunke unki shaadi ko le kar pehle bhi kaafi controversies rahi hain.
Sab se zyada hairani ki baat tab hui jab logon ne dekha ke Shehzadi ne apne posts mein mashhoor American rapper French Montana ka bhi zikr kiya. Social media par rumors ka silsila chal pada ke kya Shehzadi ki life mein ab koi naya twist aane wala hai. Kuch log isey sirf publicity stunt keh rahe hain jabke doosray keh rahe hain ke Shehzadi apni zindagi apni marzi se jeena chahti hain aur isi liye bold decisions leti hain.
Dubai ki high-profile zindagi aur Sheikha Mahra ke glamorous lifestyle ke karan log unki har move par nazar rakhtay hain. Talaq ka ye elan aur French Montana ka zikr ab unhe aik dafa phir spotlight mein le aaya hai.