Aik hairan kun aur afsoosnak waqiya samnay aaya hai jahan aik biwi ne apne shohar ko selfie lene ka bahana bana kar dariya mein dhakka de diya. Gawahon ke mutabiq dono husband wife picnic ke liye dariya kinare gaye thay aur wahan par aksar tasveerain le rahe thay. Biwi ne muskurate huye selfie lene ka kaha aur jab shohar kinare par khara tha, usay dhakka de kar pani mein gira diya.
Shohar ke pani mein girte hi afraat afri mach gayi aur foran rescue teams ko call kiya gaya. Abhi tak shoher ki talaash jaari hai aur rescue staff dariya mein ghota khori kar raha hai.
Is puri ghatna ki video bhi ek passerby ne record kar li jo foran hi social media par viral ho gayi. Video dekh kar logon ne shadeed gussa aur afsoos ka izhar kiya hai. Kuch log keh rahe hain ke is aurat ne yeh sab pehle se plan karke kiya tha, jabke kuch kehte hain ke yeh ek gusse ka nateeja ho sakta hai.
Police ne biwi ko giraftar kar liya hai aur kehna hai ke tahqiqat ke baad asal wajah samne lai jaye gi. Ye waqiya na sirf ek gharana ujad gaya balki samaj ke liye bhi aik sochnay wali baat hai ke ek selfie jaise chhote se bahane ko kis tarah aik zindagi khatam karne ke liye istemal kiya gaya.